培訓主任

曾經在渡假營工作，需要通宵輪班，同事戲笑這崗位主要是陪營友瞓覺，所以是「陪瞓」主任。

我將這名詞帶回家中，有時在洪琛睡覺前我與玉萍，會進行「陪瞓」，一起閒話家常；有時只有我陪瞓，與他閒聊、說笑。

昨天晚上在督促完洪琛做假期工課後，我跟他說：「今晚陪瞓一陣啦。」他說：「卒之可以番回被窩。這兩張被好舒服。」我們家裏其他物件不多，但被子有不少。有厚的棉被，亦有多張薄的被單。「唔需要黃色毛巾啦，如果是冚厚棉被，我就要黃色毛巾，冚這兩張被單，已經好舒服。」說完他將黃色毛巾拋去牀尾。那條黃色毛巾，由他兩歲開始，用了接近八年到現在。有時他在睡覺前發現毛巾留了在樓上婆婆處，他仍會嚷著要上去取回，圍著頸，才可以睡覺。這是我第一次聽他說不用黃色毛巾。他好像亦發現我的驚訝，所以補充說：「我會有唔同既配搭。」「我明呀！」我即時說。「就好似我食米粉，唔會配沙爹牛肉；食五香肉丁時，唔會配意粉。」他說：「好似有D抽象喎。」我肯定地說：「我完全明白。」

「喂，點解得番一張被架。嗰張去咗床尾呀。」他突然說。

我一邊大聲呼喊：「走？！都叫你唔好走架啦！」一邊從床尾取回那張想「偷走」的被單。

洪琛笑著說：「喂，呢張都捲埋一舊。」

「捲埋？！以為「靜雞雞」無人知就縮埋一邊？打開佢！」

就是這樣，兩父子夾手夾腳收拾了一張正要逃走的壞蛋被單，亦解決了一張閃閃縮縮，唔願承擔責任的退縮被子，拯救了地球！