人生最重要的事 - 楊醫 - 聽後隨筆

以往聽的教導是：神在每個人生命中都有一個計劃，有神想要你去做的工作，每個人都應找到神的心意而選擇他應去做的工作。這聽起來很合理、很有見地。

因此，你會不斷思索，究竟神想我去做甚麼呢，呢份工好似唔係喎，嗰份工又好似唔係喎。坦白說，我“揾”咗三十幾年，都揾唔到。我甚至乎覺得，有幾多人真係揾到神的心意，而做緊佢目前嘅工作呢？應該少於5%，或少於3%吧，就算有10%、20%揾到，那其餘的80%、90%呢？如果他們所作的，不是神想要他們作的，那麼，他們手所作的工，除賺一份人工外，還有甚麼意思呢？你話，能賺一份人工，已經很有意思了。但這和做一份是神在你生命中計劃的工作，是完全兩個層次，前者，就很沒意思了。

楊醫說，聖經是沒有這觀念的。重點不是要去“揾”神的心意，好似神的心意唔見咗，或不存在，而要去‘’揾‘’，其實神的心意已經寫在聖經上。

“神無心意要你去做那一份特定的工作，但神有心意要你如何去做一份工作。” 這個講法，對我來說，就合理好多，亦都更合乎聖經了。

楊醫說，唔係話神一定唔會覺得那一份工作；或那一個伴侶最適合你（大概是這個意思）。就算神真有這份“心意”，但若人不是按神的心意去做那份工；不是按神的心意與別人，特別是伴侶相處，人仍可以搞砸神的“心意”的。

都是那句，神的心意，不是指示你要去做那一份工作，而是指示你如何去做那份工作，無論那是甚麼工作。

楊醫這講道，解開了我這三十多年的結，這才是福音啊😊

DNA(17) - 心意更新而變化

最近換了個上司，原本在隔離team的，和我同級，去年工作上同佢都有些拗撬，今年過咗嚟做我上司，早兩日因意見不合，又拗咗三個回合。

第三個回合仲要係同我哋個team head傾，但佢係叫我上司嚟呢team嗰個，所以企埋佢嗰邊，大石砸死蟹，令自己激動又激氣。嬲咗一日，第二朝返工時，算啦，佢哋想點就點。過咗就算，繼續工作。

三個回合都輸咗之後，雖然忿忿不平，十分激氣，比著以往我會一路鑽落去，會成日諗，諗下第二日見到上司時，會用咩說話同佢對答。

但今次唔知點解，自己心裏覺得我已盡了力同佢哋講，雖然輸咗，但都算講得唔錯，要表達嘅表達咗，過程中雖然激氣，但講嘅時候無太激動。放工時，心內好似有把聲音話，今次做得幾好啊。自己諗下，真係做得幾好喎。OK 啦。

放過他人，放過自己，學鄭中基話齋，ok 啦。前面仲有大把好日子過，與家人朋友，一齊去遊歷，一齊去食好嘢，一齊去經歷生活嘅高高低低。

今早聽的一首詩歌，十分觸動自己，將心思心力放在神的事上仲好啦：

DNA(16) - 一周年

早兩天1月16日，老婆說：恭喜你，返工一周年。

去年出院後，1月17日第一天返工，當時仍十分猶疑，超級擔心，到今年16日，眨眼一周年，全是主恩。

上星期先剛跟老婆說，這次事件，豐富了自己的生命。昨天隔離team的阿chief，過來跟我閒聊，我跟她說，我將她當日我初返工時，她對我說：‘’如果你上司係好嘅，就會叫你唔好返工，如果唔好嘅，你亦唔值得為佢搏命‘’呢番說話，講給另一同樣有困難的同事聽，那同事感在十分有安慰。我又跟她說，我亦記得返工頭幾日，她不斷叫我唔好返工，仲話要我老婆電話號碼，如第二日仲見我返，就打電話比我老婆，同我老婆講，叫我唔好返工。這些是上帝給我遇上的恩言，我仍歷歷在目。

我對阿chief說，早兩日我先同老婆講，我話經過呢次事件，我覺得自己的生命豐富了，有這樣的經歷，如果同人鬧交扯火，鬧人痴線時，我應是最有資格嗰個。

人生最重要的事 - 楊醫

 

把好東西給別人 - 楊醫