DNA(1)：運動 - HIIT

早前買了隻智能手錶，幫助自己做運動。手錶的APP顯示，由6月25日至今，我做了2,460.38分鐘的運動，即平均每日30分鐘。開始是跑步，但由6月30日起，跟網上的短片做HIIT (High Intensity Interval Training)，到現在雖然磅數無咩減到（其實仲重咗），但心肺功能改善咗，每分鐘心跳都少咗。

記得患病期間，醫生對我說，要做些運動。嗰時我同醫生講，我要行出村口，再要走一段路才有地方做運動，根本是不可能的任務。醫生亦好好，揾埋網上的一些拉筋運動給我，佢話唔出去做都可在家中做下。當時只是聽了，唯唯諾諾，卻沒有動力實行。後來在走出病患過程中，醫生的說話起了作用，現在每星期平均都有五天做運動吧，每次都有約30分鐘，但體重不跌反升，可能年紀大咗，新陳代謝慢咗，真係要忍口唔食咁多嘢，先有機會減磅。