結婚相的另類選擇 - 貼紙相

認識一些家庭人，結婚一段時間，甚至有了小朋友後，會再去影樓拍一次結婚相。內子間唔中亦有提出有關建議。不知其他男士的反應如何，自己倒是興緻不大。可能見我多年來都沒有甚麼反應，昨天與我母親在九龍灣大榮華吃過懷舊餸生日飯後（十分便宜，大人細佬十一人只吃了約900元，值得推介），她帶我與洪琛到淘大商場影貼紙相。開始時自已感覺一般，但當取到相片後卻感到頗滿足，原因如下：

1) 影相機的指南是全日文的，未準備好已開始閃燈，閃了七八次後，在日文指導下（我們當然不懂日文），又要揀相、又要揀圖案、寫文字等，三個人雞手鴨腳、估吓估吓咁攪咗一輪，最後成功取得相片，驚險攪笑之餘又有成功感；

2) 對上一次影貼紙相是約十年前在日本旅行時所拍，今次覺得影相機先進了不少，過程中無人協助，但預先set好的打燈效果會令你白淨一些；鏡頭角度會令你瘦一些；影出來的效果會令你靚仔靚女一些；

3) 當然，最主要原因，是不用去日本，不用花幾千蚊去影樓，只須30元便有交易。

在這經濟不景、金融海嘯的環境下，你會發覺從小事上也可以有滿足感。

下次去開淘大，到三樓影貼紙相，話係我介紹，對方唔會收貴你。

青